吳綺莉(Elaine)的19歲女兒卓林與31歲太太Andi於11月8日喺加拿大多倫多結婚,二人於當地生活困難更欠租三個月,多倫多租房畀佢哋嘅包租婆已表示唔會追究三個月租金,對佢哋嚟講肯定已經系大解脫。
媽咪畀埋的士錢
加拿大難以維持生計,卓林惟有返港,回港後二人入住旺角一間平價賓館,但未有新工作,又零收入,搞到喺香港再次拖欠租金,總共二千幾蚊,賓館老板收唔到錢,惟有報警求助。
冇錢交租嘅卓林與Andi最後漏夜拖行李離開賓館。身無分文又冇地方住嘅卓林,最終都系要搵媽咪吳綺莉幫拖,佢同太太坐的士返吳綺莉大坑住所,吳綺莉欣然開門畀佢哋入屋,仲幫佢哋畀埋的士錢。
不回應是否交租
今日中午約1時15分,吳綺莉揸車離開住所,卓林與Andi都坐喺車上,座駕抵達跑馬地後,吳綺莉於一間銀行落車,獨自入咗銀行處理事項,之後再上車會合卓林,並開車到另一街口的銀行門口停車。今次到卓林同Andi落車,佢哋兩個入咗銀行後疑似入錢,完事後齊上車,吳綺莉開車回住所。
三人離開住所後,到兩間銀行全程約花了大半小時,期間問到卓林媽咪是否攞錢畀佢交租?佢不作回應,而吳綺莉被問到是否畀錢阿女?阿女系咪返去住?佢都冇答。到家後,卓林與Andi先行落車,待吳綺莉泊車後才一起上樓,期間卓林更攞電話反拍記者。
足足19年冇見過生父,小龍女卓林想問成龍:我需要答案!
小龍女卓林9分鐘專訪首度剖白
(請鏈接wifi觀看)
▼
吳卓林是吳綺莉和成龍的女兒,自99年出生以來,一直是焦點所在,受盡註目的她活在世界19年,卻從來未感受到父愛。自去年出櫃,與母親吳綺莉鬧翻、離家出走,上月再與女友Andi在加拿大結婚,卓林絕對是這兩年的新聞人物。
經歷幾許風雨,卓林和太太Andi日前接受獨家專訪,提到父親成龍,卓林坦言內心一直有很多不解之謎,當全球都知道她是成龍的私生女,卓林卻想問成龍:「我細個發生乜事?」
現年19歲的吳卓林,由出世開始便被稱為「小龍女」,在她出生前九日,父親成龍更開記者會,承認自己做錯了一件全世界好多男人都會做錯的事,並聲稱如果BB是他的,一定會負責。實情是,卓林從未見過生父一面,對於自己的身份有不少疑問。
問到有沒有見過爸爸成龍?卓林淡然地說:「我從來冇見過佢,你問我有冇見過佢,即系我問你有冇見過佢?我對佢嘅熟識程度,同你差唔多一樣。其實佢喺我眼中冇壞定唔壞,因為我唔識佢,我唔識一個人唔會去judge,我知細個時講過衝動野,但呢刻心理平衡左好多。」
她續言:「但好奇怪,因為我一生出嚟,個個就知我系邊個,我自己都唔知自己系邊個,跟住個個望住我,睇我點死或者點好,我心諗what?」
– END –