足足19年冇見過生父，小龍女卓林想問成龍：我需要答案！

加入 LINE@ 趣聞不漏接

iiiiiiiiiiiiiiiiiiiiiiiiiiiiiiiiiiiiiiiiiiiiiiiiii

▼

如果說卓林是2018年的新聞人物，相信大家都沒有異議。卓林去年出櫃，離家出走到加拿大，媽媽吳綺莉要報警求助。之後卓林拍片尋父，上月又突然返港並宣布與女友Andi結婚！ 19歲的卓林經歷足以寫一本自傳，由懂事開始，一直有個疑問﹕「Who am I?!」

iiiiiiiiiiiiiiiiiiiiiiiiiiiiiiiiiiiiiiiiiiiiiiiiii

由出世開始，卓林便被賜上「小龍女」之名，幾乎全球華人都知道她是成龍的私生女，惟獨未見過生父，心中有好多不解之謎。日前卓林與太太Andi接受專訪，問到有沒有見過爸爸成龍？

卓林表現淡然：「我從來冇見過佢，你問我有冇見過佢，即系我問你有冇見過佢？我對佢嘅熟悉程度，同你差不多一樣。其實佢喺我眼中冇壞定唔壞，因為我唔識佢，我唔識一個人唔會去judge，我知細個時講過衝動野，但呢刻心理平衡左好多，我覺得人系會做錯事，咁你做左幾多錯，系你嘅人生，唔系我嘅人生，我根本唔在意。

「但好奇怪，因為我一生出嚟，個個就知我系邊個，我自己都唔知自己系邊個，跟住個個望住我，睇我點死或者點好，我心諗What？」

做成龍女兒，卓林直言好大壓力，她用力點頭說：「系真嘅，所以我之前系非常唔開心。」02年，吳綺莉帶著卓林由香港搬到上海投靠外婆，惡夢開始了！她說：「我最難受嘅時期系喺內地讀書嘅時候，以為我同我阿爸有關，就喺度『有錢女呀，有錢女呀』，唉，嗰間學校我都費事講喇，但啲老師都冇用，我瞓喺度俾人踢，佢行過就話『你哋唔好咁啦』，跟住停落嚟，老師行開，佢哋又繼續(踢)喇，(冷笑)。」

有傳成龍有30億身家，他曾在訪問中透露一半給予太太林鳳嬌和兒子房祖名，另一半捐去做慈善；而成龍推出的自傳亦沒有半句提及卓林。卓林一臉不在乎說：「我冇諗過喺佢身上得到任何野，我亦唔介意，冇感到受傷。OK, it’s really none of my business. 佢話部份財產捐作慈善，亦都好好，但可能我個人諗得太多，你啲錢捐去邊呢？用喺邊度？In the end, I don’t care.」

(adsbygoogle = window.adsbygoogle || []).push({});

拍片尋父，卓林自言並非為錢，而是「需要答案」，卓林帶點激動，用英文一口氣說出心底話﹕「嗰時我搵爸爸，系我好多野都唔知發生緊羊事，我唔系要搵佢嘅錢，或者要任何人嘅錢，個個睇完Video話我『You want money, you want money.』NO！我當時系覺得迷茫，我覺得害怕，同時我亦有我嘅心理問題要處理。我覺得有太多事令我好迷茫，呢樣系純粹…..yes，算系一種求助，不過系對幫我釐清真相嘅求助。（In a way, yes, it was a cry for help, but it was a cry for help for information.）」

如果有機會見到成龍？她想也不想便說：「如果我見到佢，我可能會話『Yo what’s up dude. That’s cool.你可唔可以話我知，到底我細個發生咩事？我阿媽點解會咁？你哋有冇討論過？或者有冇同我婆婆傾？』我婆婆喺我家庭入面，其實好多野都…令到我好…所以我系，I need answer. 我19歲，我知自己仲細，所以我可能一世都有好多點解……我當時只系一個Baby，根本唔知道任何事。」

卓林提起婆婆鄭黎明便眉頭緊皺，或許因為她見過婆婆揮菜刀指向媽媽，又逼媽媽跪地攞每月家用。數年前，卓林亦曾報警指媽媽經常酗酒，及涉嫌虐兒。問到有沒有埋怨媽媽？卓林不禁輕嘆一聲：「唉，教細路系一代一代傳落嚟……你阿媽點對你，你就點對你嘅細路蘿，我好清楚我婆婆點對待我媽媽，所以我從來唔怪佢。」卓林坦言很想與媽媽修補關係，但雙方必須多點體諒，至今未打算搬回娘家，她解釋：「嗰個環境令我嘅精神健康唔系太好，所以我要學懂照顧自己，而我亦開心左唔少，我見到希望，個性開心左好多。」

整個訪問，卓林全程緊握著太太Andi的手，兩人有相似的成長經歷，成為彼此的Soul mate。對卓林而言，Andi除了是她的愛人，亦是恩人。卓林說：「我好明白大家嘅睇法，19歲，你唔識諗，你衝動(結婚)，你唔清楚自己做緊乜，幾年後你的就散㗎喇！No way(搖頭)，我知道自己做緊乜，佢好完美(相視而笑)，我唔知你想我點解釋啦。」

卓林笑言如果要講太太Andi的好處，或許要花上幾小時，簡單來說就是「好」。對於外界質疑，Andi貪錢才跟卓林在一起，卓林反駁：「我哋初相識時，佢唔知道我系邊個個女，我要用盡方法去解釋。同埋大家話佢貪我錢，(冷笑，攤開雙手)I don’t have any money！So I don’t know what people think.對我嚟講好搞笑。」卓林承認自六年級開始已知道自己喜歡女孩子，曾經一次與男仔拍拖，都是做給媽媽看。