最近澳洲有個新聞
令到吃瓜群眾都震驚
又無法接受
有一對今年33歲嘅雙胞胎姐妹
Anna同埋Lucy DeCinque
佢哋登上咗當地嘅電視台
原因係佢哋想尋求幫助
咩幫助?
就係佢哋兩位
都想嫁俾同一個男人
雙胞胎嘅相似我哋都知
性格喜好都會相似
不過相似都中意埋同一個男人
都算係新聞
呢對孖女都同佢哋呢位男友
已經一起拍拖拍咗六年咁長
佢哋想一齊同佢結婚添
不過喺澳洲
多重伴侶係犯法噶
於是佢哋上咗當地一個節目
「Hughesy, We Have a Problem」
希望大家可以幫佢哋
諗出一個完美嘅方法
即係想令法律開恩
令佢哋兩位
都可以同自己嘅真愛結婚
而且佢哋咩都要一樣
甚至乎話就算懷孕
都想同時懷…
emmm
成件事已經令人o曬嘴
不過睇到報導之後
覺得佢哋兩位個樣…
好似更加值得吐槽!
Anna同Lucy DeCinque
以前個樣唔係咁假噶
佢哋兩個從細一齊大
甚至分享同一個男人
不過佢哋最癲嘅
就係一齊進行同樣嘅整容
其實佢哋以前生得好正常
12歲嘅時候
都仲係好標致嘅一對孖女
到到19歲
其實佢哋都係好似樣
到咗20歲開始
唔知點解突然就開始想整容
而且仲要一齊整
最癲嘅紀錄係
佢哋喺兩個星期內
做咗14次手術
花喺整容上面嘅錢
已經用咗成25萬澳幣咁多
據報導話
孖女最近都覺得自己已經
整容整得太誇張了
想揾d辦法變返去…
成件事太多槽點了
一時之間唔知從何說起…