買樓冇佢名！馮盈盈為間屋同男友嘈交
馮盈盈、傅嘉莉、張寶兒、張景淳、伍富橋及張啟樂等到屯門V City出席倒數活動，鬥擺甫士及玩遊戲，期間新鴻基地產代理租務副總經理Evelyn送上願望板，讓藝人寫上新一年願望，盈盈表示想表演唱歌，笑言今晚只有她這位嘉賓沒有獻唱：「我仲未練好歌，希望抽到時間練好啲，依家噪音方面嘅功力就唔錯。」
2018年奪得飛躍進步女藝人的盈盈表示將拍攝新劇《極道怪咖》，跟主角王浩信等都未合作過，是一次大挑戰。她又透露男友「寶寶」最近置業，兩人要搞裝修及買家俬，身為女主人的盈盈非常投入：「但大家諗法好唔同，都有鬧交，我希望可以上鏡啲畀我開live，佢就想簡約啲，惟有互相讓步。（新屋有冇你名？）冇我名㗎！畀我留番首次置業Quota啦！（新一年大計包唔包括結婚？）寶寶買咗樓，冇曬錢喇！惟有再努力啲工作儲錢，所以我哋聽日慶祝元旦，都系要節儉，始終佢有供款壓力。」
另外，盈盈上倒數節目時，在塔羅牌占卜環節，盈盈抽到「蠱惑」的牌，塔羅牌師指這張牌代表雙方有一人會講大話，著盈盈要小心維系感情，盈盈即表現無奈，當其他主持起哄叫盈盈下次帶埋寶寶一起倒數時，盈盈又再爆發：「好呀，下年都未散，就嚟啦！」全場嘩然！
– END –
專注在 兩性、愛情等領域