拍戲壓力大 林峯同女友外遊放鬆
林峯表示今年較少時間留在港，對於網友依然關注他令其感開心，記者笑言最關注的是其戀情，他即主動提及跟女友到日本蜜遊的新聞，林峯表示今年拍了四部作品大感壓力，故跟家人及身邊人外遊放鬆一下。
孖伍允龍拍婚照 朱晨麗擘髀隊穿倫敦橋
由朱晨麗（朱朱）、王浩信、楊明、伍允龍等主演的無線台慶劇《兄弟》播放即將進入尾聲，幾對主角感情線愈見吸睛，而朱朱及伍允龍這一對都相當突出！戲中扮演何鐵男一角的伍允龍放下硬漢形象大玩浪漫，向朱朱求婚，二人隨即於倫敦多個名勝景點包括倫敦橋等，拍婚照留念。
談到這輯婚紗照果然與別不同，朱朱笑謂：「好多動作甫士都系我哋自己創造嘅，佢展武功我就展舞功。佢有咁好嘅拍檔即系我，先至會有咁嘅畫面啦！」雖然只是拍道具相，但二人一點也不馬虎，跳高加一字馬「惡鬥」，大展活力與身手，創造出一輯「潮爆婚照」。
自認攞視帝無望 馬國明：拉票也無用
黃心穎跟馬國明情侶檔現身，他們均表示希望《宮心計之深宮計》可以於台慶頒獎禮再下一城，對於角逐視帝，馬明表示拉票也無用，記者笑言要練習定天然呆的表情，他說：「 我再次解釋天然呆的原因，是當時思考其他事，包括架車有無被抄牌，或者明天通告幾點。 」
洪永城撻女模 唐詩詠自爆遭人威脅
洪永城（Tony）最近被爆撻著模特兒兼長跑教練梁諾妍（Inez），作為舊愛嘅唐詩詠亦大方祝福！呢日，唐詩詠就喺社交網曬出一張相，相中見佢企喺街頭露出招牌笑容，仲見到街頭對面有其廣告牌，原來…佢影呢張相系有原因！
唐詩詠透露：「當有人威脅你，唔影相唔去食pancake時，為咗嗰個幸福的pancake，我唯有照做同用笑容去遮掩我嘅尷尬。」而好友黃翠如亦留言：「威脅你個（嗰）個應該系魚，亦都應該得魚敢，因為系好姊妹所以冇禁忌嘅！」網民都話睇完翠如個留言，估詩詠講嗰個9成系佢，大家仲話天氣咁凍，叫貪靚嘅詩詠咪著咁少衫呀！
Joey怕失禮唔敢幫阿嬌頂酒 預告BOYZ做婚禮司儀
容祖兒（Joey）昨日以設計師身份，出席其與珠寶公司Crossover的「Heartbeat 心動系列」發布會。Joey表現興奮，笑言沒想過以設計師身份出席活動：「好開心，今年試咗好多唔同嘅嘢。（有壓力？）都系，怕影響到自己本來嘅身份，接觸唔到范疇又怕做唔好。」祖兒透露這系列鑽飾早於年初籌備，整個系列有30多件產品，自己口述設計慨念，多得身後一班專業人士幫忙，她還打算戴著頸上的頸鏈出席鐘欣潼（阿嬌）婚禮。
談到阿嬌大婚在即，祖兒表示已準備奉陪到底。她說：「近幾個月都忙大碟宣傳，好開心返到香港，可以好好休息幾日，抖足精神，參加阿嬌嘅大婚。」談到搶花球，她笑說：「接囉，無所謂，最想關智斌（Kenny）接。婚禮系Kenny同張致恒（Steven）做司儀，到時一定好好笑。」問到可會幫阿嬌頂酒，她笑說：「幾杯都得嘅，頂就唔好喇，怕醉咗會失禮。（怕唔怕醉酒爆自己秘密？）自己嘅控制得好好，其他人就未必。」
劉美君分享凍齡瘦面秘訣 江若琳都話狠！
啱啱過咗54歲生日嘅歌手劉美君日前大曬腹肌慶生，令網友驚呼佢一啲都唔似呢個年紀，仲大讚佢唔只身形Fit，皮膚亦Keep得好好，紛紛問佢點保養！劉美君今日就拍片同大家分享佢冇乜人知嘅美容秘訣，見佢用手不停搓塊面，之後仲出手拍打，而且系大大力，搞到面都紅曬！佢留言：「唔使輕手，堅打！化妝前必做，我最近 新髮明，好有效?#瘦面打法#打者愛也」證明女人為咗靚真系可以去到好盡！
不過一眾網友都抱半信半疑態度，覺得佢好似太大力對自己塊面，連喺新劇飾演佢個女嘅江若琳都留言話：「太狠心?」而劉美君就回復：「你見證過媽媽的心狠手辣啦！」亦有網友搞笑話：「呢個系咪傳說中嘅還原靚靚拳？」見到劉美君呢個成功嘅凍齡例子，各位女士試嚇都無妨呀！
張敬軒險勝薑濤奪「人氣票王」：年紀差距大唔想行太近
薑濤對於角逐「人氣票王」獎項與張敬軒叮當馬頭，但最終落敗給對方。薑濤表示作為新人有人認識自己已很開心，最開心軒仔記得自己。談到軒仔曾揚言擔心輸給他，他說：「無乜留意，但好開心佢記得我，佢系我好仰慕嘅前輩，今次算系第一次見面，已經諗定想同佢講乜？就系講你好。」
軒仔對於薑濤指跟他見面好緊張，他笑言自己仲緊張，因為大家年紀差距太大，不想對方行得太近。提到擊敗薑濤奪得「人氣票王」獎項，軒仔謙稱自己險勝，由於寒冬將至為免平安鐘長鳴，所以對方粉絲收手投票而已。他說：「組合Mirror系我心目中今年是「人氣王」，剛剛跟薑濤傾偈，大家的用字唔相同，好似聽唔明我講乜，好似話畀心機呀！佢哋好似一堆黑人問號響頭頂度。」
楊冪短髮少女Look曝光 原來都系韓國男團粉絲
楊冪的微博追蹤人數日前已經破億，在內地爆紅的她昨日（12日）被父親公開她少女時期、留有一頭清純短髮的照片。相中可見，楊冪當時的頭髮仍未過肩，與現時留有長秀發的她，印證了「女大十八變」。她一身運動L ook打扮，雙手叉腰、擺出一副酷爆樣。
不過，網民似乎未被楊冪清純短髮照吸引，反而將焦點移到楊冪身後的韓國男團H.O.T海報上，可能她是個不折不扣的小粉絲。有網民留言表示：「冪姐真的是追星女孩，難怪現在還是挺八卦的」、「我也看到了，原來冪冪追過HOT？」、「哈哈，H.O.T竟然」。
陳華鑫誕逾6磅B女：小公主出嚟過聖誕
2012年落選港姐陳華鑫年初與拍拖6年的圈外男友在泰國布吉結婚後，今再宣布正式榮升做媽媽。她在社交平台報喜，分享老公親吻囡囡的溫馨照片，稱「我們家的小公主出嚟過聖誕節」，指囡囡重6磅5安士，母女平安，並hashtag了「終於見到妳」、「好彩妳足磅」、「Welcometotheworldourlittleprincess」。
凍到生不如死 鄺潔楹周奕瑋極光之旅有遺憾
「仙氣女神」鄺潔楹（Judy）與無線主持周奕瑋早前到加拿大Yellowknife（耶洛奈夫）拍攝無線聖誕微電影，提到今次拍攝極光之旅，當地天氣最凍達負30度，Judy笑言有「生不如死」的感覺：「出發前拍攝團隊已同我哋講當地唔系非一般嘅凍，大約負十幾度，不過當我哋去到較北地方拍攝，最凍去到負30度，真系有生不如死嘅感覺，自己意志都好弱。」雖然Judy凍到僵，不過當她拍攝玩雪撬狗時，玩得太開心而忘記凍的感覺。
提到今次主要拍攝極光，Judy笑言他們不夠運：「好唔好彩，因為當地全年有二百幾日都可以睇到，而我哋就系去咗剩下嗰百幾日唔系好睇到嘅日子。」雖然Judy直言有點遺憾，但仍被當地的靚景吸引︰「其實見到少少，但唔系最靚綠色走來走去嗰種極光，呢個系拍攝上一個少少遺憾，但成個旅程除咗好凍外，風景真系好靚，好似荷里活冰雪世界電影咁靚。」
專注在 兩性、愛情等領域