《萬千星輝頒獎典禮2018》將於今個月16日舉行，視帝視後花落誰家都系大家最關心嘅事。今年視帝競爭激烈，候選人們實力叮當馬頭，除咗已經憑《棟仁的時光》連贏馬來西亞及新加坡視帝嘅袁偉豪之外，仲有《跳躍生命線》馬德鐘、《宮心計2深宮計》馬國明、《兄弟》王浩信、《天命》陳展鵬、《大帥哥》張衛健及《平安谷之詭谷傳說》劉江都絕對有機會問鼎視帝寶座。諗諗嚇，其實今年有三位姓「馬」嘅男藝人都份拍劇集。分別系馬國明、馬浚偉及馬德鐘，佢哋都系做男主角兼從未拎過視帝，唔知今年佢哋有冇機會嚟一個「零的突破」呢？
馬國明（馬明）喺《宮心計2深宮計》同女友黃心穎攞正牌情侶檔演出，仲憑呢套劇獲提名「最佳男主角」。上年佢憑《降魔的》同樣獲提名，仲要呼聲極高，可惜最後都系無緣獲獎。多年嚟馬明都深得民心，仲被視為「民間視帝」，可惜一直未圓視帝夢，今年被指陪跑嘅佢，連佢自己出席活動時都話每年都唔諗自己攞獎，佢仲笑話自己唔系陪跑，而系領跑，因為帶大家跑完但自己冇攞獎。眼見佢努力咗咁耐，又有樣有實力，希望佢呢只黑馬今年有機會跑出啦！
同樣參演《宮心計2深宮計》嘅馬浚偉（馬仔），喺劇中系男主角，但竟然冇份獲提名「最佳男主角」，有傳原因系佢而家幫香港開電視監制及主持社會紀實節目《同理·繼續走》，所以被無線封殺。
「馬神」馬德鐘回巢拍攝劇集《跳躍生命線》，劇集贏盡口碑及收視，佢憑劇中飾演在哥一角獲提名，更成為視帝大熱門。除咗獲觀眾睇好之外，連劇集監制方駿釗都話力撐馬德鐘問鼎視帝寶座。
唔知道馬國明同馬德鐘有無機會打破「馬字咒」，成為今年TVB視帝呢？
– END –
專注在 兩性、愛情等領域