藝人張栢芝（Ceci）傳出喺上月25日秘密生仔，仲話生父系年約60歲新加坡富豪，之後栢芝都冇蒲過頭。栢芝最新近照終於曝光，飲食作家Bonnie在社交網曬出同栢芝喺遊艇會嘅合照，見栢芝精神奕奕曬埋V，但塊面就有啲圓，戴住副超嘅佢著住樽領衫，睇嚟系唔想入風呀。
Bonnie留言：「今日小朋友遊樂日又撞到好姊妹Ceci，Quintus愈來愈高大靚仔呀！」今次栢芝系同細仔Quintus一齊現身，而大哥Lucas就留喺屋企打機。Bonnie就話唔知栢芝系咪啱啱生完小朋友，因為覺得生完冇理由咁快出門吹風！
Bonnie今日接受訪問，被問到栢芝可有向她透露剛生完B？她說：「冇㖞，都唔系事實，所以都唔會去問同求證。（佢有冇肚凸凸或者行路論盡？）冇冇冇，同平時一樣，佢手腳好纖幼，一啲都唔似啱啱生完，啲人話覺得佢肥咗，但我唔覺得佢有咩變化。（傳佢有個新加坡男友，你有冇聽過？）冇㖞，佢平時做乜都系以湊小朋友為先，有冇男朋友都系好次要，冇聽過佢有男朋友呢樣嘢。」
估清空IG為阻黑客
栢芝最近將IG社交網的照片全部刪曬，問到知不知原因？她說：「其實我自己覺得，好多時傳媒寫啲嘢未必系事實，變咗好多藝人鐘意用社交平台講番自己嘅嘢，起碼真實，但有時有黑客同啲流言唔系咁好，可能因為咁而刪，不過純粹系我覺得啫，我冇同佢傾呢樣嘢。」
透露整傷十字韌帶停滑水
她坦言已經有半年沒有見過栢芝，因為大家都忙住照顧自己的小朋友，但大家有message聯絡，她知道栢芝年初因整傷十字韌帶，痛了一段日子，所以少咗玩滑水，但痊愈後栢芝會再去滑水。
睇手帶證新相
由於栢芝秘密產子的傳聞言之鑿鑿，對網友質疑她上載的照片是否真的昨日拍攝？Bonnie說：「其實好簡單，尋日系深灣遊艇會嘅會員日，如果大家有留意大家手上都有條手帶，手帶系尋日先有，仲要系一年一次，冇得話假，尋日喺度好多人都見到栢芝，雖然我冇見到其他圈中人，但現場好多人喺度。」栢芝可有向她透露未來工作狀況？她表示相信對方主力湊小朋友，她說：「工作嘅嘢你都系問番佢。」她並且強調上載與栢芝的照片，事前經得栢芝同意先甫上社交網。
– END –
專注在 兩性、愛情等領域