現年41歲嘅陳展鵬上個月13號同28歲嘅單文柔結婚,佢哋一直都話隨時Ready做父母,估唔到咁快就有喜訊,佢同太太一齊喺社交網站宣布「Baby is coming。」佢仲話:「2018年真是一個難忘嘅年份,我又再多咗一個身份啦!期待你嘅來臨??。」
而單文柔都有喺社交網留言,佢話:「期待小豬比的來臨。」勁多網民留言恭喜佢哋,雖然未知性別,不過男嘅型女嘅靚,將來BB都一定好靚咁話!
消息一出,好多藝人朋友留言恭喜,包括:李施嬅、單立文(豹哥)、姚子羚、張名雅、陳自瑤、李亞男、楊秀惠等,當中最搞笑都要算系豹哥,佢留言話:「恭喜恭喜,添丁又發射。」唔知佢系咪太開心一時手快快將「發財」打咗做「發射」?
佢仲話大家知道呢個喜訊後好驚喜:「我知道我的婚訊,會令到很多支持朋友和我的鵬友仔有很多不同的想法,令大家感到突然!我在此說聲對不起。雖然我沒有能力改變大家的想法!但我是不會不忘初衷,大家是從我的工作認識到我,所以未來我會更加努力,我不會忘記這二十多個年頭大家對我的支持和欣賞!因為是妳們把我變得更精彩更有信心。」
– END –