藝人馬德鐘與張曦雯（Kelly）出席無綫劇集《跳躍生命線》飯敘，大會安排了假髮給眾演員佩戴，場面非常搞笑，馬德鐘解釋：「因為套劇畀大家感受到香港情懷，七、八十年代系最濃鬱，所以就戴假髮畀啲香港情懷大家。」
至於最新收視，他稱仍未知，但一直都非常理想：「大家睇埋呢兩集，今晚有好緊張嘅劇情，Kelly會畀車撞，唔知佢死唔死得，佢嘅生死關係到我嘅感情有冇著落。個結局幾特別，大家意想不到。」Kelly笑言觀眾可能睇到崩潰。
另外，Kelly最近被起底，指她出身一般，她表示：「我都唔系好神秘，向來都系話自己香港出世，其實畀人知仲開心，因為我出嚟個形象系畀人覺得好高（高貴）咁，我都只系普通人。
（媽咪被曝光，佢介唔介意？）佢冇嘢，爸爸媽媽成日都陪我開工。我反而想講嚇我點解改名，我原本叫張詠欣，因為媽咪話同我睇醫生嘅時候，發現好多人叫呢個名，所以兩歲嘅時候爸爸就幫我改咗名，但冇搵相士，不過幾年前我同蘇民峰合作節目，我問佢使唔使改名，佢話我個名好好、唔需要。」
對於收視有好成績，馬德鐘坦言未有機會問監制會否拍續集，Kelly謂不少網友大表不舍，未結局已跪求開續集，馬德鐘笑言：「拍續集要睇你死唔死得先，可能拍前傳。（你有冇期拍？）個期大家可以將就。」
問到有否信心攞獎？馬德鐘直言比起個人獎項，更想劇集攞獎，又指看好何廣沛及Kelly。
專注在 兩性、愛情等領域