《龍咁威3》出年開拍 所有演員都歸位
想當年鄭中基仲會笑片嘅年代，有幾套大家一定會講，而《龍咁威》絕對系榜上有名，可惜第二集口碑好差，大家都唔敢諗會有第三集，但世界就系咁奇妙，今日鄭中基接受雜誌訪問，就話會拍第三集。
鄭中基透過助手回應會開拍《龍咁威3》，第一集所有演員都會歸位，今日佢透過助手回應話：「原來諗住今年年中開，19年賀歲檔上演。而演員亦全部歸位，導演有谷德昭、演員就會有第一集嘅演員李璨琛、張達明同埋鄧麗欣（Stephy），大家都好期待。」中基助手話現在可能要改到明年中開拍，目標系後年20年嘅賀歲檔，佢補充話：「我哋當然好想Stephy可以拍返，不過都要睇返佢嘅期就唔就到，觀眾當然都系想佢演出啦。」
人妻開騷大解放！謝安琪透視誘惑酥胸半露
歌手謝安琪（Kay）、麥浚龍（Juno）、王雙駿（Carl）及陳哲廬（Jerald）於會展開騷，RubberBand成員泥鯭、阿正及阿偉有份擔任伴奏，薛凱琪、周國賢、蘇永康及衛詩雅等到場欣賞。人妻Kay延續《一個女人和浴室》的健康性感路線，換上多套靚衫，除了露肩、露背，還有最誘人的透Bra曬酥胸，引得粉絲不停尖叫！她除了獨唱《囍帖街》和《人妻的偽術》，又與Juno合唱大熱的《羅生門》等歌曲。
黎明湊女操出麒麟臂 聞樂基兒有喜
榮升父親的黎明（Leon）久未在香港現身公開活動，穿白色Tee、牛仔褲及戴上黑超的Leon全程笑容滿面，身形就明顯比以前大只，手瓜起?，似乎抱女抱出麒麟臂來。而Leon上台後謙虛表示：「我要學前輩做野，除左副太陽眼鏡先，自己都要跟前輩做同學，前輩畀支持我哋，畀機會我哋上山落海去籌款！」
進行剪綵儀式後，Leon到台下派金幣給市民，他即爆出金句：「測試人性嘅時候喇！」隨即引起混亂，被途人重重包圍。在混亂中Leon被問到對前妻樂基兒有喜一事及可有送上祝福？Leon充耳不聞，繼續派金幣未有反應，之後便登上大會安排的巴士離開到其他地方宣傳。
Leon到各區包括灣仔及銅鑼灣等地繼續派金幣，他站在巴士門口，見不少途人見到天王即把握集郵機會，紛紛舉起手機自拍。
傳千語未忘情！林峰倒模冧舊愛招數氹新歡？
藝人林峰今年宣布與曾經「七愛」的吳千語其實早已分手，結束五年情，而兩人亦各有新開始。林峰的新歡是現年27歲內地索模張馨月，張馨月有樣有腦，與林峰相戀期間，懂得收放自如，又對男友千依百順，而且相當入屋，與林峰家人及朋友包括楊怡和周勵淇甚傾得埋，難怪深得林峰愛錫。
最近張馨月在社交網突然高調曬其奢華生活，周遊列國例必坐商務或頭等，又坐遊艇及曬名牌，更曬在男友家泳池遊水，宣示主權！林峰捧女友上天的招數似乎熟口熟面，被指猶如倒模昔日與吳千語相戀。至於吳千語雖被爆戀上「富三代」施伯雄，但遲遲未獲男友認愛，故有傳她其實不捨得前度。
「皮包骨」Baby街邊檔買煎餅 網民勁心痛
女星楊穎（Angelababy）喺綜藝節目不時豁出去犧牲靚樣，毫無架子，原來平時都幾貼地！今日有網民公開幾張Baby幫襯街邊檔販買煎餅嘅相，見佢素顏上陣，一身黑色運動裝兼戴帽，企喺檔邊等候，對眼仲時不時望住啲食物，睇嚟非常肚餓！該網民就話拍戲期間Baby經常去光顧，會早起排隊買煎餅！
不過唔少網友都心痛覺得佢太瘦削，皮包骨成個紙板人咁，大風啲都吹走佢！亦有人放錯重點，留意到佢發量好多呀！
大S爆小S「腋下開洞」做手腳 阿佘嚇到呆
台灣女星大S（徐熙媛）最近擔任美妝節目《Beauty小姐》主持，最新一集邀得「嫻妃」佘詩曼（阿佘）做嘉賓。除左大談保養心得，大S仲大爆妹妹小S（徐熙娣）曾經「腋下開洞」，令在場人士非常震驚！
其實系因為阿佘講起拍《延禧攻略》時要喺45度高溫下著厚重嘅古裝非常辛苦，大S驚訝反問：「一直流汗頭髮不會黏不住嗎？」阿佘笑言：「頭髮上要黏很多髮膠！」之後大S就大爆小S好大汗，細個學琴手好易出汗覺得好困擾，於是去醫院用電燒方式，將汗腺割除。大S憶述當時醫生喺小S腋下開左個窿：「然後再伸一個內視鏡進去！」醫生仲叫佢「來看你妹妹的肺」，嚇到阿佘目瞪口呆！
大S又爆料指遇過一位「非常厲害的女明星」有嚴重臉部出汗問題：「她直接開刀，把臉部汗腺割掉！」阿佘都不禁驚呼：「好狠！」
王敏奕賀曾國祥生日 網友狂催婚
「氣質女神」王敏奕同曾志偉兒子曾國祥拍拖多年，雖然年紀相差12年，但一直非常甜蜜！今日系曾國祥生日，王敏奕就喺社交網曬閃爆合照祝男友生日快樂，仲用英文寫左段愛的宣言，冧爆話曾國祥系佢命中注定嘅男人、國王同靈魂伴侶，多謝對方任何時間都對佢咁好，好鍾意食飯嘅佢仲話愛男友比愛白飯更多添！網友紛紛留言話佢的Sweet到爆，仲好心急問佢的幾時拉埋天窗呀！
凍齡30年不變！杜德偉再攬張繼聰合照
藝人張繼聰系童星出身，細細個已經同過杜德偉（Alex）合照。呢日佢喺社交網上載左張1988年嘅舊相，旁邊拼上囝囝張瞻上年同Alex嘅合照，對比之下張瞻同阿聰兒時個樣似到十足十。事隔30年，阿聰再次同Alex合照，二人擺番一模一樣嘅甫士，不過阿聰依家變到咁大只，Alex已經一只手攬唔住佢，畫面十分搞笑！而最令網民瘋狂討論嘅，就系Alex三十年嚟個樣幾乎完全冇變過！阿聰開心留言：「1988，2017，2018❤#終於等到今日呢張相 #我想扮番細個個樣不過好似失敗左#Alex唔使扮因為完全冇變過#好開心呀✌thanks」
– END –
專注在 兩性、愛情等領域