【凍齡有道】網上票選無線美魔女 呢十強真系實至名歸
而家嘅女士們真系好勤力去保持自己美態，唔少TVB女星由以前嘅少女變為而家嘅美魔女。最近有網民搞咗個無線花旦美魔女選舉，我哋一齊睇下現時嘅排名啦！
第十位：康華（46歲）
入行以嚟發展一般嘅康華，近年憑《刀下留人》萬貞兒被網友封為「最正奸妃」及喺《宮心計2深宮計》飾演心地善良嘅南宮司設，成功搶鏡，深受網民愛戴。觀眾除咗鐘意康華精湛嘅演技之外，更加留意到佢雖然已經年過40，不過依然身型fit爆、散發迷人韻味，真系羨慕死人啦！
第九位：宣萱（48歲）
90年代已經出道嘅宣萱，拍過唔少經典劇集，例如《難兄難弟》、《尋秦記》、《戇夫成龍》、《洗冤錄》、上年嘅《不懂撒嬌的女人》及《使徒行者2》等等。48歲嘅宣萱真系保養得宜，咁多年都好似唔識變老咁。
第八位：周海媚（51歲）
周海媚（海味）由出道至今有兩大經典角色，《倚天屠龍記》被封為「最美周芷若」將主角演繹得淋漓盡致，深入民心及《今生無悔》入面飾演嘅沈文薏。近期轉戰內地嘅佢拍攝新版《倚》劇，今次竟然系飾演心狠手辣「滅絕師太」，網民大讚佢仍然散發仙氣，個樣可以話多年不變，再獲封為「史上最美的滅絕師太」。
第七位：佘詩曼（43歲）
97年港姐季軍入行，由一臉稚氣嘅《十月初五的月光》祝君好、《西關大少》何雙喜，到近年嘅《使徒行者》丁小嘉及大熱人氣《延禧攻略》嫻妃。保養有方嘅佘詩曼就算喺《延禧攻略》拍埋其他年輕演員旁邊都唔系差好遠，身材同外貌都睇唔不出年紀原來已經踏入40大關！佘詩曼由以前嘅少女味到現時越拍越有權勢越女強人，再慢慢變成今時今日嘅「三料視後」！
第六位：吳婉芳（51歲）
吳婉芳系1986年香港小姐亞軍、最上鏡小姐及才華小姐，之後簽約無線開始拍劇，但婚後淡出娛樂圈。吳婉芳成為豪門少奶奶，甚少出席公開社交活動，每次出鏡佢嘅凍齡美貌都令人感到讚嘆。、
第五位：萬綺雯（48歲）
擁有42吋長腿嘅萬綺雯（蚊蚊），由出道到而家都有一副Baby face。由亞視《我和僵屍有個約會》飾演嘅馬小玲，到無線《老表，你好野》飾演嘅易雪飛，可以話「蚊蚊」嘅樣依然少女，美魔女呢個稱呼真系當之無愧呀！
第四位：黎姿（47歲）
黎姿（現改名為黎珈而）2008年與富商馬廷強結婚後亦都淡出演藝圈、投身商界。現時事業有成嘅佢，可以話似凍齡嘅少女一樣，好似食咗防腐劑咁，完全睇唔出原來已經47歲！
第三位：姚嘉妮（40歲）
姚嘉妮身為98年亞姐季軍，有身材個樣又有氣質。近年更因為要照顧小朋友而減少工作，但系做事仍然專業。而近年TVB到見到佢大多數飾演人妻角色，索爆之餘更添一份女人味。今年更憑《BB來了》飾演過氣MK妹陪月員許朗，打扮MK經常穿熱褲大騷長腿，凍齡外表加上窈窕身型，真系睇唔出已經40歲。
第二位：楊卓娜（41歲）
2001年參加香港小姐後加入無線嘅楊卓娜系楊怡家姐，以往演藝路可以話名氣不大而相信大家最有深刻印象嘅應該系《愛‧回家》入面「霞姐」呢個名，霞姐角色相當搶眼，亦開始令網民慢慢留意到女人味漸漸濃厚嘅卓娜。事業慢慢漸有起色，好似最近喺《跳躍生命線》中飾演喪夫嘅遊子嵐，成功演活堅強新抱，獲網民大讚。
第一位：陳煒（44歲）
煒哥可以話系一個性感性濃嘅美魔女，從亞視過檔到無線，周不時都會飾演較性感或女強人嘅角色。近年仲活躍一線，今年嘅《果欄中的江湖大嫂》李夢露及《宮心計2深宮計》太平公主都表現亮眼，唔少網民都認為煒哥有機會成為今年視後。除咗系演得嘅美魔女藝人，2016年仲開始拍攝飲食節目，可以話系「入得廚房 出得廳堂」。即使已經44歲都保養得好好，好似唔識變老一樣。
來源：網路，版權歸原作者所有，如有侵權請聯繫刪除。
END
專注在 兩性、愛情等領域