娛快訊 | 曾國祥點讚藍潔瑛死訊登熱搜榜首位，張雨綺袁巴元和好翹手行街

加入 LINE@ 趣聞不漏接

曾國祥點讚藍潔瑛死訊　秒登熱搜榜首位

藍潔瑛被發現倒斃寓所，網友發現曾志偉兒子曾國祥按讚相關新聞，雖然曾國祥事後已取消點讚，但引來瘋狂討論，有網友說曾國祥可能是錯手點讚，亦有網友：「難道在你們心中，點讚就是落井下石的意思？」、「給別人去世的微博點讚，不管是誰，說起來都不好聽」、「網友的惡意滿滿啊，又有多少人是真的悼念而不是發洩呢」、「人家兒子點讚可能是悼念可能手滑，但關注這件事情是真的」。

而曾國祥點讚藍潔瑛死訊，一度秒登上微博熱搜第一名，藍潔瑛第二名。

藍潔瑛潦倒靠姊妹接濟　邱淑貞仗義借百萬

藍潔瑛在娛樂圈多年，因為她性格爽朗，結識了一大班好友，但她的朋友也隨著她的星途暗淡及精神出現問題，而日漸減少，幸好在她最潦倒的時候，仍有不少好友向她伸出援手，幫助她重新做人。

藍潔瑛當年樣貌標致，又是無綫力捧的大紅人，故身邊不乏好友，在她出道時，她和吳君如、曾華倩、邱淑貞、張曼玉、羅美薇、上山詩鈉、劉嘉玲等組成「九龍女」。本來「九龍女」希望多參與公益善事，曾打算演話劇及拍電影籌款，但因當時「九龍女」都是大紅人，身上有排山倒海的工作，她們欠組織，故一直都是「講多過做」，沒有實際行動可見。

其中藍潔瑛最深交的朋友是曾華倩及邱淑貞，有指1999年，藍潔瑛炒股票損失慘重，冇錢供樓要借錢度日，邱淑貞即借100萬元給她解燃眉之急，又經常帶她到佛堂唸佛，邱淑貞在東京舉行婚禮，藍潔瑛亦有出席，她的銀包又放了邱淑貞和愛女的照片。其後藍潔瑛的事業及精神陷入低潮，有傳她誤交損友沉迷毒海。亦因為藍潔瑛行為失常，不少好友都開始疏遠她。

仲未搵到藍潔瑛家人！影迷會斥遭冒名籌款

藝人藍潔瑛於家中倒斃，至昨日被友人發現，終年55歲，令人相當惋惜！外界一直未能聯絡其家人，藍潔瑛影迷會指曾聯絡曾華倩、羅家英及鄧萃雯等，呼籲幫忙處理其身後事。

今日，影迷會於微博發出聲明，指有騙徒出沒：「昨天今天發現有人發起二維碼捐款甚麼的，影迷會暫時沒有向社會發起任何募捐活動，謹防受騙，如果哪天需要的話會公布（布）影迷會微博。」之後更發布一張二維碼圖，並留言：「重新建了個微信群，本來一直有的，只是得知人不在了時就解散了，現在想來我該給喜歡她的人留一個可以寄託的地方。」

陸永開空頭支票　老婆嬲到震刪Post鬧爆

出名「愛妻」嘅陸永喺老婆Reina 10月生日時就獅子開大口，話去學車同報埋Course學影相，冧到Reina喺Instagram曬命，不過陸永之後喺活動上就話「都系交嚇功課先」即系氹住老婆，點知真系講得出做得開左張「空頭支票」！Reina今日喺網上爆Seed鬧爆陸永「以後大時大節咪再送禮物」，仲嬲到刪埋個放閃Post！

Reina上載左張灰底黑字圖，內容系「十月某個星期六凌晨三點，『你咁夜仲唔瞓聽日點去上九個鐘攝影班？算啦，難得休息，你都系唔好咁早起身喇。』『我都系咁諗！』」Reina仲心灰意冷話不如直接送部相機畀佢，或者考左車牌同學識影相先當禮物送畀佢會有誠意啲！兼一大堆hashtag「嘥錢學車做乜都唔系為左pass系為左畀張收據我睇」、「簡單啲直接啲好」、「我識得自己安排」，真系隔住個Mon都知佢幾咁火呀！

最後Reina就話代老公送份禮物畀自己就系去西藏，叫佢留喺屋企湊女！網民都留名想睇陸生點拆呢個彈，仲tag埋佢「男人冇用㗎」，睇嚟陸永今次形象盡毀，「呃妻號」先巖！

B女出世喇！Hold住姐水中分娩　成缸血水

女星謝依霖（Hold住姐），今年母親節喺社交網宣布懷有身孕，B女終於出左世喇！佢上載左一張小朋友在懷抱中熟睡嘅相片，相當可愛。另附上一張浴缸照，原來佢喺水中分娩，見到成個缸載滿血水，笑言驚嚇親大家唔生B呀，佢話：「賀！卸貨成功～生完才知媽媽之猛，生完轉頭看到這水缸我都覺得可怕（我發現我的po文都有礙生育率）⋯⋯人體實在太奧妙！謝謝所有醫護人員辛苦了～水中生成就!get!我真的潮～猛～der 」。

打者愛也？張雨綺袁巴元忽和好翹手行街街

女星張雨綺9月爆出同富商前夫袁巴元持刀家暴，最終報警求收場，翌日佢仲透過經理人宣布離婚，兩年婚姻一刀切！不過二人離婚唔夠兩個月，有網友竟然發文稱喺上海偶遇張雨綺與袁巴元翹曬手逛街，仲曬出二人行街相，狀甚親密，表現自然，同普通情侶無分別，令到一眾網友?曬頭。記者就此向張雨綺經理人求證，截止發稿，對方暫未有回應。

另有內地媒體稱張雨綺同小朋友保姆一直都在原住處，並未有搬離，且家中停留兩架名車，猜測袁巴元亦在住處。

IG追蹤人數突破52萬　陳凱琳翹實嘉穎放閃

藝人鄭嘉穎開左Instagram（IG）後不時大曬恩愛，而甚少放閃嘅老婆陳凱琳（Grace）趁住IG追蹤人數突破520k（52萬），上載同老公喺雨中嘅合照曬幸福，相中嘉穎擔住把遮為Grace遮風擋雨，Grace就翹實老公，呢個畫面咁充滿愛真系襯曬520（我愛你）呢個主題呀。

Grace除左為自己慶祝，都不忘力sell老公IG，叫大家可以follow嘉穎，因為對方嘅IG有趣好多喎！

女女Gym房瀨便便　陳柏宇終記起老婆

歌手陳柏宇（Jason）自從做左爸爸之後，就經常「女不離身」，平時返到屋企都黐實女女Abigail，仲搞到畀老婆符曉薇（Leanne）投訴淨系顧女女。不過似乎Jason未有因為咁而學識放手，反而仲變本加厲，就連出去做gym都要Abigail陪住。Leanne喺社交網上載左一張相，本身見Jason抱住女女冇乜特別，但望真啲原來佢的系置身喺健身室，另一條片更加見到Jason完全唔理身邊做gym嘅男士，全程投入咁同女女玩，睇嚟佢已經進化到「眼中只有女」！

不過之後Leanne再上載一段短片，今次Jason終於「醒覺」，唔再淨系掛住女女，反而不停咁叫老婆，究竟發生咩事？原來系因為Abigail瀨左「便便」！片中見Jason好驚訝咁話：「唔怪之得只腳咁暖啦」，仲起勢嗌老婆幫手，難得Jason將老婆放番喺第一位，但原來只系搵救兵幫手換片，真系畀呢位新手爸爸激死！

又佗B？譚嘉儀摸吳若希肚仔嗌恭喜

藝人吳若希（Jinny）同老公婚後育有一女，女女依家已經一歲幾，呢日譚嘉儀突然曬出一張大合照，相中見佢同菊梓喬（Hana）、林穎彤（Bella）、戴祖儀齊齊用手摸住Jinny肚仔，唔通Jinny又佗B？譚嘉儀留言：「恭喜恭喜！！恭喜Jinny?…………修（收）身成功大家唔好誤會 #唔知邊個提出影張咁嘅相呢 #系咪驚喜左（左）一秒呢？」原來佢哋只系恭喜Jinny收身成功，擺出個咁惹人誤會嘅動作，認真大整蠱！

退出樂壇！周汶希盆骨移位險下半身癱瘓

B.Gs 成員周汶希（Jovi）消失幕前整整半年多，正當大家以為她已靜悄悄退出娛樂圈，卻被發現於某品牌眼藥水廣告出現，而其經理人則表示因為Jovi盆骨移位，醫生嚴重警告不能再做劇烈動作，如不好好養傷會有很大機會下半身失去活動能力，因此所有有關唱跳演出的工作，公司一概都不讓Jovi出場。這一個對於是熱愛演藝事業的Jovi來說簡直是一個大的打擊，她的情緒甚低落，經理人與隊友都為她擔憂，幸好有家人及隊友們支持，令Jovi逐漸走出黑暗的日子。