張衛健（Dicky）回巢無線拍攝劇集《大帥哥》，觀眾感受到他「型到噴汁」的誠意，劇中演員亦被他感染開竅。劇中演其太太的蔡思貝覺得有幸合作很夢幻，令她眼界大開！她坦言拍感情戲很容易投入，對Dicky既尊敬又愛慕，更從他身上學到了「張衛健精神」。
誓言永不放棄
思貝坦言Dicky直接影響到她拍攝另一套重頭劇《鐵探》，令人感覺煥然一新：「佢放飯、消夜永遠都自己一個人匿喺佢個壇度劇本，連其他人嘅劇本都執埋，要所有位都度到最準確為止，付出無人能及，佢對演戲嘅執著真系好值得尊敬。睇到咁超班前輩嘅做嘢方式，咁嘅態度，自己永遠都會提醒自己，對我嘅演藝生涯系影響一世。即使將來覺得氣餒，或者想放棄某一場戲，都會用佢嘅工作態度，提醒自己唔好放棄。」
有心挑戰喜劇
在《大》劇的演出令人另眼相看，思貝坦言過去拍劇憑直覺，但在張衛健身邊「偷師」後，學會理智分析劇本。最近《大》播出她逼被困獄中的「大帥哥」迎娶自己，獨腳戲由連珠炮發到深情剖白，獲讚甚有Dicky的味道，對此她說：「喜劇睇落輕鬆，但要氹人笑比起氹人喊更加難，我冇拍過喜劇，亦冇信心做喜劇，但有機會都想挑戰嚇。」
《大帥哥》聽日（11日）大結局，唔少觀眾都mark定時間準備追睇，不過喺另邊廂J2台嘅《#後生仔傾嚇偈》竟然搶收視，史上首次「玩命」現場直播，挑戰電視尺度！
事關語出驚人嘅馮盈盈喺節目中不時爆出驚人金句「可以研究啲‘蛋白質’啦！」、「濕曬，個地下都濕埋。」而之前嘅「公廁論」更引起全城討論，加埋言論同樣出位嘅麥明詩，搞到主持陸浩明喺Instagram直言好擔心：「系我演藝生涯入面最大危機嘅一晚，究竟我兜唔兜得切呢？各位祝我Good luck！」
相反，盈盈就淡定有錢剩，用勁溫柔嘅聲線拍咗條片叫大家到時留言互動，網民都話好期待，留名等睇盈盈「創造歷史」，不過都有「母親的抉擇」，話唔知睇《大帥哥》定《#後生仔》好呀！
專注在 兩性、愛情等領域