王祖藍不嬲都鍾意扮野，佢最近就為左自己個節目《沒想到吧》，易容參加內地綜藝節目《中國夢之星》，節目今晚播出，電視台較早前公開左預告片，今集選秀嘅導師，就有我哋嘅宇宙G.E.M.鄧紫棋、去內地發展變左「國民老公」嘅陳偉霆，同埋組合「羽泉」嘅胡海泉等。
今次祖藍化名王嘉豪上節目，佢先要同另外兩人過跳舞同唱歌呢兩關，一開場，G.E.M.明顯對呢個肥仔有懷疑，而祖藍就以論盡得嚟又幾靈活嘅舞步，吸引大家注意，而被喻為新一代舞王嘅陳偉霆，更加笑到見牙唔見眼，仲話：「中間那個胖子是甚麼情況？跳得挺好，中間那個挺搞笑我覺得。」
(adsbygoogle = window.adsbygoogle || []).push({});
之後，祖藍順利留低，而宇宙G.E.M.喺呢刻就忍唔住同祖藍講：「我覺得你好眼熟。」祖藍就求其搵個藉口敷衍左G.E.M.，點知之後陳偉霆就出聲問：「你是來搞笑的嗎？」然後又問祖藍可唔可以除帽，當佢一除低圍衣頂帽時，陳偉霆即話：「還是假髮，我想問你嘉豪，你知道我們選擇的戰隊都是…雖然不是說要很帥，但是也起碼不醜。」而坐喺佢身邊嘅胡海泉，一聽到咁講，就忍唔住搭嘴問：「你這麼說話合適嗎？」點知陳偉霆就話：「不是，你臉的形有點奇怪，就是胖也不會胖到方形的地步吧，你是胖到齊角了，你明白嗎？是這樣。」跟住仲用雙手做出起角嘅手勢㖭。
笑到咁盡，唔知當佢知道呢位肥仔系祖藍嗰陣，又會有乜反應呢？
專注在 兩性、愛情等領域