張衛健（Dicky）主演的《大帥哥》剛播了一星期，外界反應不一，有讚亦有彈，當中Dicky被指「食老本」，翻用以往劇集「韋小寶」及「西遊記」的經典對白，Dicky對此解畫：「幾句啫！這是我和觀眾隔空的集體回憶，好多朋友都話聽番好開心、好感動，其實我最想得到，是大家能看到我們在背後付出的心血。」
另外，Dicky老婆張茜對早前南非之旅十分滿意，因太太是動物控，無論見到任何動物，都會讚好可愛。問到今次被形容為「造人」之旅，他不諱言：「在這個原始大地，是否應該做些人類最原始的娛樂活動呢？或者是傳宗接代的責任呢？交功課給觀眾也要交給太太，不要說這些了！」
張衛健（Dicky）主演的新劇《大帥哥》未播出，已獲無綫「萬千星輝頒獎典禮」提名角逐視帝，昨日Dicky到荃灣宣傳該劇，他在台上笑指自己應角逐「最佳新人獎」，因首次在將軍澳電視城拍劇，被問到對奪視帝勝算？他即一矢中的：「我無簽約TVB，認命啦！隨緣啦！」
對於突然收到獲提名角逐視帝一事，他說：「我咁大個仔都未攞過任何有關演戲獎，都慣了，只要在觀眾心目中，如果我能夠做到半個視帝，已經好開心。」
問是否覺得劇未播已獲提名很奇妙？他即表示不知機制如何，只認為拍了那麼多年，喜劇很難得獎。至於想不想奪視帝？他只笑道：「我記得我有首歌叫《大獎》，應到不得了，第一句歌詞就是『人人拿大獎得我沒有』。」
無綫劇集《大帥哥》播出短短5日便大獲好評，同翡翠台同步播放的Youku網播放量也已接近8千萬，受歡迎程度可見一斑。8日主演張衛健（Dicky）、洪永城（Tony）、蔡思貝（Sisley）等齊齊亮相活動為劇集造勢。見到該劇有咁大迴響，Tony同Sisley也很開心同感恩。
劇集受歡迎之餘，Tony同Sisley的演技也「更上一層樓」，獲觀眾大讚有進步，這當然同他們私底下努力密不可分，Sisley說：「對白上我有下功夫，睇嗰啲gestures，即係走位嗰樣嘢，喺姿態動作，我都會下多啲功夫，希望盡量融入多啲嗰個年代嘅感覺。（具體做咗啲咩？）我會參考好多民初劇，或者喺對白上面講嘅時候我會諗返如果喺嗰個年代講，同現代講嘅對白，節奏上、用嘅詞語上，可能都會tune返啱咁樣。」除此之外，Sisley表示Dicky也在分析劇本方面教了她不少東西：「佢好清楚知道每一個位，觀眾想睇啲咩，呢度你要表演啲咩出嚟畀公眾去接受，從而就可以幫到你自己嘅角色，去話畀人聽你係一個點樣嘅人，半年的拍攝時間，真係喺戲劇上面學咗好多嘢。」
而Tony除了閱讀大量書籍了解當時的生活背景、環境之外，在打戲方面也花了幾個月時間練習，他還透露最初開始拍攝時大家只眼都不太順利：「一開始曹永廉好似有眼瘡，要做手術，跟住爆破啲碎片入咗徐榮只眼度，我都係槍戰時啲碎片入咗眼度，阿貝就被撞到眼球。」其實Sisley的耳仔也因反應彈受傷，她更當場痛到喊，耳仔嗡了半年。
之前Tony參演的《張保仔》被指演技浮誇，不知道今次的《大帥哥》是否可以視作他的翻身之作呢？「我唔知點形容呢，總之多謝觀眾支持我嘅戲啦，陸續都會有。（覺得比之前好好多？）當然啦，有進步的，我自己睇到，亦都因為各位同事都配合得好好，劇本都好好，導演都好好，所以先有個好好的製成品出嚟。」
專注在 兩性、愛情等領域