36F鄧月平鬧爆的哥疑裝鏡?裙底：黐線佬
仲有一日就踏入21歲嘅「巨啵翠如」鄧月平（Larine）擁有36F導彈身材，系唔少宅男心目中嘅女神。女神出街多人望就正常嘅，但估唔到呢日佢搭的士時就遇到一件奇事，佢喺IG Story上載一張的士車廂相，仲自爆：「我系咪應該轉道去差館 個司機瘋狂裝我裙底 拍片又錄唔到 但會嘗試再拍 全程龜速冇車都Keep住慢駛 癡（黐）線 好恐怖 裝鏡仔昅（?）裙底。」Larine透露自己坐後座，深深不忿嘅佢仲留言鬧爆：「死癡（黐）線佬！」
傳誕第三胎！張柏芝圓面蒲頭勁精神
藝人張柏芝（Ceci）傳出喺上月25日秘密生仔，仲話生父系年約60歲新加坡富豪，之後栢芝都冇蒲過頭。栢芝最新近照終於曝光，飲食作家Bonnie在社交網曬出同栢芝喺遊艇會嘅合照，見栢芝精神奕奕曬埋V，但塊面就有啲圓，戴住副超嘅佢著住樽領衫，睇嚟系唔想入風呀。
Bonnie留言：「今日小朋友遊樂日又撞到好姊妹Ceci，Quintus愈來愈高大靚仔呀！」今次栢芝系同細仔Quintus一齊現身，而大哥Lucas就留喺屋企打機。Bonnie就話唔知栢芝系咪啱啱生完小朋友，因為覺得生完冇理由咁快出門吹風！
王祖藍易容扮肥仔 陳明恩都認唔到
藝人陳明恩、梁漢文太太林文慧（Karen）與名模姚書軼（Mikki）等到灣仔出席珠寶預展及慈善義賣。陳明恩講到好友王祖藍扮肥仔參加內地歌唱節目，她大讚對方好勁，完全認不到他，很欣賞祖藍出場跳舞那部分，不過當一唱歌時就認到他的聲，如果有機會她也想到內地參加歌唱節目。
同病相憐被嘲冇老竇 吳綺莉：卓林系我唯一
藝人吳綺莉（Elaine）女兒卓林早前宣布與女友Andi已婚，此後吳綺莉曾經和女兒見面，並開腔指父母都要接受小朋友長大。雖然避談新抱Andi，但言談間顯示與女兒關係似乎有所緩和。
吳綺莉昨日深夜有感而發於社交網出Post指自己與女兒同樣經歷沒有父親而聽盡不少閒言閒語：「從懂事開始，就習慣了給人笑沒感受，長輩們笑我母親，妳和妳老公離了婚還要帶著一個和妳老公一樣樣的孩子，妳真慘，我父親姓吳，我錯在哪裡？從小多難聽的說話都聽過，去到十多歲對別人的聲音已無感覺，沒想到女兒性格和我不一樣，現在的每一天我最大的工作是要令我女兒感受良好，其他的都不是一件事，感謝天父，感恩每一天。」
粉絲預祝39歲生日 林峯冧豬嗌「honeys」
藝人林峯將於今個月8號度過39歲生日，雖然今年回復單身嘅佢，冇咗另一半陪佢過生日，不過就有一大班粉絲提前為佢慶生。呢日佢喺迪士尼舉辦生日會，邀請粉絲到來一同慶生，相中見到，壽星對住招財貓蛋糕雙手合十許願，仲笑得好開心。當日有好多粉絲來自世界各地，專程嚟同佢慶祝，多人到差啲逼爆場地，場面十分熱鬧。林峯亦好識做，除咗逐個同粉絲影合照之外，仲喺社交網大派心心。佢稱粉絲為「honeys」，又留言話「感謝生命中有你們❤」
人母齊集！賴慰玲囝囝生日 陳凱琳整蛋糕
藝人賴慰玲（Winki）囝囝Marat眨嚇眼M已經一歲，為隆重其事，Winki特登喺快餐店舉行一個簡單又溫馨嘅生日派對，仲邀請咗Marat契爺契媽鄭嘉穎同陳凱琳（Grace）、就生得嘅陳嘉寶（Anjaylia）同佢老公、孫慧雪母子、楊潮凱父女等人，真系勁熱鬧呀！
而Grace仲親手整咗個生日蛋糕畀契仔，Marat真系好幸福，有一班咁靚又咁有愛嘅姐姐哥哥們錫，Winki留言多謝各位，仲話：「我們協議誰懷孕，就send只雞仔畀大家，今日你整只雞仔畀也也，別出心裁！」唔少網民都話好感慨，當日佢哋仲系一班少女，如今個個都組織家庭，做人媽媽，等下年Grace同Anjay生埋，BB們就可以一齊玩喇！
韓國拍外景 亞姐溝酒飲
《2018亞洲小姐總決賽》候選佳麗繼續在韓國拍攝外景，早上冒寒到南韓江原道一間啤酒廠參觀及進行外景拍攝。首次參觀酒廠的澳洲代表楊可欣自言酒量不錯：「之前曾喺新加坡讀書，認識咗一啲韓國同學，所以學懂好多韓國喝酒文化，例如會喝‘燒啤’，即燒酒混啤酒。」楊可欣續說，通常飲酒便會睡覺，笑言不會生事，但她指為了參加選美要減肥，現在不能喝酒，希望可以由53公斤，減到45公斤。
香港賽區季軍林孜沫則自爆曾經飲醉「斷片」，更被媽媽狠狠責罵一頓，她笑說：「有次飲咗酒返屋企，第二朝起身先發現自己冇沖涼同換衫，媽媽知道好嬲，佢話如果我下次再飲醉，就唔畀我返屋企，自此我好少飲酒。」
曬死人咩！陸永孖老婆Young住影情侶相
藝人陸永同太太Reina結婚多年，女都生咗兩個，但依然好似熱戀情侶咁成日打情罵俏，呢日Reina就喺社交網上載一張兩公婆「松鬱蒙」嘅合照，留言話：「攝影師叫你做咩就做咩！」
相中陸永攤喺度舉V，而Reina就用右手遮住個口，少女味十足，不過最吸睛嘅系呢個動作令佢露出小蠻腰，而陸永就對佢自己嘅甫士有所微言：「系呀，系佢（攝影師）叫我衰樣啲，唔關我事架（0架）」網民就紛紛猜測究竟呢張相系大女定細女影嘅呢？
炎亞綸汪東城有HeHe情？吳尊回應話…
曾是台灣男團《飛輪海》成員的藝人吳尊，最近出席公開活動時，對於有指林宥嘉的歌曲《浪費》是在描述昔日拍檔炎亞綸及汪東城的不尋常感情，吳尊力挺二人說：「沒有吧！這是大家多想，你問林宥嘉，肯定不是寫他們兩，可能是大家隨便亂想。」更指每次看到該些新聞也沒有想太多，因一直不會多問成員們的八卦事情，就如他早已成家立室，成員們也不會追問他，大夥兒工作的時候，就是認真把眼前工作做好。
– END –
專注在 兩性、愛情等領域