《是咁的，法官閣下》林景程人氣急升，網友提議開《布大狀外傳》

黃智賢、關禮傑和王君馨主演的台慶劇《是咁的，法官閣下》，播出以來口碑不俗。劇中除了有不少改篇真實的案例外，亦把新晉大律師風光背後的辛酸血淚完美呈現。

當中飾演布大狀（阿躉）的林景程，在劇中熱心助人又單純的他，不單被師爺克扣其微薄的律師費，更要住劏房，但他精湛的演技受到不少好評，更有網友提議開拍《布大狀外傳》，想必更有睇頭！

對於角色大受歡迎，林景程都表示感謝大家：多謝，其實都證明編審茜姐同監制Andy塑造阿躉塑造得好好。我都有留意網友留言，真系好多謝他們有留意阿躉的成長，可能阿躉真系太慘，而且我個樣唔出聲又天生傻傻地咁，所以大家都覺得我特別陰公，總之代阿躉多謝大家。

對於有網友稱很想見到阿躉最後成為一名成功的大狀，他就笑言：呢個好難！阿躉唔系一般純品，劇內唔講先，我自己覺得現實生活冇機心，好難生存。

至於會否真的考慮拍《布大狀外傳》，他就笑言：有得諗！我都好鐘意自己拍嘢，等我收集嚇大家希望放啲咩情節入《布大狀外傳》先。

林景程入行9年來，不時都會飾演專業人士，單單是律師就飾演過三次，包括：《四個女仔三個BAR》飾演律師「齊安居」一角、《三個女人一個「因》飾演大律師「白保運」和《是咁的，法官閣下》飾演大律師布仲謙。

問到演律師經驗豐富，是否更容易駕馭角色時，他就稱：其實仲難，因為做幾次都系唔同性格的大狀

林景程亦慶幸自己的演藝路比布大狀的律師路易行得多，他笑言：阿躉慘過我好多，佢冇錢就真系冇人幫，冇第二條路，要不停去搵方法搵錢生活。而我本身都有份物理治療，返TVB又出住糧咁畀我學演戲，最起碼我唔使住劏房先啦。

（咁TVB份糧夠唔夠生活？）如果淨系靠TVB份糧，真系要住劏房㗎！（拍之前系咪冇諗過做律師咁辛酸？）其實我哥哥都系做大狀，之前《四個女仔三個bar》問他意見，都聽聞過大狀唔系個個都風光，不過冇深入去問，但冇諗到慘成咁。其實細細個都諗住做律師，好在讀書成績唔夠好，做唔到！」

林景程又自覺拍完今次《是咁的，法官閣下》，覺得自己還有好多方面要磨練，所以暫時的目標是希望有更多的演出機會：其實好多角色想做，但真心好想再演喜劇，因為好鐘意演喜劇。但不過做咩都冇所謂，最緊要有戲做同埋希望大家再睇到我演出時都會睇得開心。