正在上位的2016年港姐亞軍劉穎鏇（Tiffany），最近主持旅遊節目《3日2夜》不時大曬42吋長腿，吸盡宅男歡心，自稱單身的她原來暗撻有「大鼻港男」之稱、羅天宇的24歲細佬胡㻗，據了解二人拍拖數月已打得火熱，不時以情侶檔姿態出席朋友聚會，縱使Tiffany逐漸上位工作忙碌，但男友亦不時做「柴可夫」管接送，爭取時間見面。
Tiffany前晚出席其處女劇《兄弟》於尖沙咀舉行的飯局後，急急腳會男友，她逗留至晚上十時半離開，步出時被大批粉絲包圍要求合照，塗上鮮紅色唇膏的她還與粉絲傾到嘴嘟嘟，之後她鬼祟步往附近商場，更躲於一角錄口訊，未幾即見胡㻗驅車前來接載，她熟練地上車後，便直駛西貢銀線灣。
胡㻗似乎相當熟路，火速在一處相當隱蔽的幽暗路旁停車，二人全程於車上談情，摸黑密會約20分鐘，見Tiffany的座椅挨後，頭部竟然離奇「消失」，直至記者上前拍照採訪時，她得悉斷正才「蒲頭」，只見她表現慌張及驚訝，全程低頭兼擰歪面不欲上鏡，同樣一臉驚青的胡㻗，定過神後即開車速逃，慌亂間連車尾燈亦未有開便直駛將軍澳，期間更不停兜圈欲撇甩記者。
記者再於燈位上前拍照，只見Tiffany不停講電話，問到胡㻗是否拍拖？他欲言又止：「畀啲私人空間我哋，Sorry，唔好意思，我哋……」追問他們車廂摸黑親熱時，他一臉無奈默不作聲。
問到Tiffany是否與胡㻗拍拖，她亦未有回答，只叮囑記者小心車輛。及後男方送她返回將軍澳的寓所，下車時明顯見她連唇膏亦甩曬色，問停車在暗黑路旁作何事？她依然慌張，口震震不停重復說：「唔好意思，我唔做訪問喇！」隨即入䢂上樓。
隨後劉穎鏇現身電視城接受訪問，問到是否與胡㻗拍拖？她說：「大家系好好嘅朋友，可能我住將軍澳，佢又住附近，嗰晚我食我完《兄弟》飯，大家又差唔多走，所以佢就車埋我，之後大家就傾偈。」
講到被指「車震」？她說：「其實呢兩個字點解？」隨後記者向她解釋，劉穎鏇則哭著說：「點解？我哋系喺架車上面，大家傾偈，但系點解會有呢兩個字出現，我喺美國嚟到香港工作，作為一個新人好努力工作，唔想大家對我誤會。」她又講到為何會在車上縮低個頭：「當時同佢喺車上傾偈，有人出嚟用好閃嘅燈系咁影，所以好驚！唔知點解縮低個頭，會令大家有咩誤會！」
– END –
專注在 兩性、愛情等領域